Жаңа Зеландияға қалың қар жауды
Жаңа Зеландиядағы Оңтүстік аралға 1 метрге дейін қалың қар жауды, деп хабарлайды 24kz.
30 сағат тоқтамай жауған қардың арты боранға ұласып, біраз өңірді басып қалды. Зардап шеккендер жоқ. Дегенмен мезгілінде жаумаған қар мал жайылымына, шаруалар жайына әсер етуі мүмкін. Өйткені былтыр жерге шөп бітік шықпай, шаруалар құрғақ күзден әрең шықты. Шаруаларға малды қорғау үшін ойпатты жерлерге көшіру туралы ескерту жасалды. Қалың қар жолдарды басып, ірі магистральдар жабылды.