Ален Делон дүниеден өтті

Әлемге әйгілі француз актері Ален Делон 89-ға қараған жасында дүниеден озды.

80-жылдардағы кино әлемінің жұлдызы 2019 жылы екі рет инсульт алған. Оған қоса Альцгеймер диагнозы қосылды. Ем алу мақсатында актер өмірінің соңғы жылдарын Швейцарияда өткізген. Театр және кино актері, режиссер, продюсер, сценарист Ален Делон көзі тірісінде Халықаралық Берлин кинофестивалінің құрметті сыйлығын, киноға қосқан үлесі үшін Канн фестивалінде "Алтын пальма бұтағының" иегері атанды. "Рокко және оның ағалары", "Толық күн астында", "Самурай" фильмдеріндегі рольдері арқылы әлемге танылып, көрерменінің ықыласына бөленген еді.