Израиль Сирия шаһарын атқылады
Израиль әскері Сирияның Пальмира қаласын атқылап, 41 адам қаза тапты. Тағы 50 кісі жарақат алған. Сирия БАҚ-ы Рейтер агенттігіне осылай деп хабарлады.
Олардың айтуынша, Израиль күші Иордания шекарасы арқылы Сириядағы Иран әскеріне оқ жаудырған. Әуе шабуылы ирандық қорғаныс күші қоныстанған аймаққа дөп тиген. Қару-жарақ қоймасы да талқандалған. Израиль әскері бұған қатысты «Палестина Ислам жиһадының» қарулы тобына тиесілі террористік инфрақұрылым нысандары мен командалық орталықтарға соққы бердік деп хабарлады.