Мексикада белгісіз біреу тұрғындарға оқ жаудырып, 6 адам қаза тапты

Мексиканың Табаско штатында қолына қару ұстаған ер адам қала орталығында тұрындарға оқ жаудырды, деп хабарлайды 24kz.

Салдарынан 6 адам қаза тапты. Бесеуі оқиға орнында бақилық болса, біреуі ауруханаға жеткізу кезінде көз жұмған. 10 адам жарақат алған. Қазір олардың бәрі қажетті ем-дом алып жатыр. Билік өкілдерінің хабарлауынша, шабуыл таңертең жергілікті барлардың бірінде болған. Қазір тергеу амалдары жүріп жатыр.