АҚШ-та әлемдегі ең үлкен ұшқышсыз басқарылатын тікұшақ жасалды
Америкалық ғалымдар әлемдегі ең үлкен ұшқышсыз басқарылатын тікұшақ жасап шығарды, деп хабарлайды 24kz.
Ол жасанды интеллект жүйесімен, датчиктер және қашықтан басқару құралдарымен жабдықталған. Ұшу құралының салмағы бір тоннадан асады. Соның өзінде ол жарты тоннаға дейінгі жүктерді тасымалдауға қауқарлы. Ұшқышсыз басқарылатын аппаратты адам өмірі үшін қауіпті жағдайларда, мысалы, табиғат апаттарымен күрес кезінде қолдануға болады. Сондай-ақ егіс алқаптарына пестицидтер шашу үшін ауыл шаруашылығы саласында да көп көмегі тиюі мүмкін.