Конгода белгісіз вирустан 143 адам көз жұмды
Конго Демократиялық Республикасының оңтүстік-батысын белгісіз вирус кезіп жүр, деп хабарлайды 24kz.
Осы сәтке дейін жұмбақ аурудан 143 адам ажал құшты. Бұл туралы жергілікті билік өкілдеріне сілтеме жасап, «Рейтер» агенттігі хабарлады. Індет кең таралған Кванго провинциясы шенеуніктерінің мәлімдеуінше, белгісіз ауру тұмауға ұқсайды, науқастың дене қызуы көтеріліп, басы қатты ауырады. Қазір арнаулы медициналық топ жұмыс істеп жатыр.