Вашингтонда АҚШ-тың 39-президенті Джимми Картермен қоштасу рәсімі өтті
Қайраткердің денесі салынған табыт әуелі Капитолий ғимаратына қойылып, содан кейін жергілікті шіркеуге жеткізілді.
Аза тұту рәсіміне елдің қазіргі президенті Джо Байден, жаңадан сайланған Дональд Трамп, сондай-ақ, вице-президент Камала Харрис және басқа да белгілі тұлғалар қатысты. Қоштасу шеруінен соң, Картердің денесі туған қаласына жеткізілді. Джимми Картер 29 желтоқсанда 100 жасында бақилық болды. Шетелдік ақпарат құралдарының хабарлауынша, ол қатерлі ісікпен ауырып, ұзақ уақыт емделген. Джимми Картер АҚШ-ты 1977-1981 жылдар аралығында басқарды.