SpaceX Испанияның коммуникациялық жер серігін ұшырды

SpaceX Испанияның озық үлгідегі коммуникалық жер серігін ұшырды, деп хабарлайды 24kz.

Зымыран Флорида штатындағы ғарыш айлағынан көкке көтерілген. SpainSat NG1 жер серігі еуропалық ғарыш құралдарының арасындағы мықты қорғалғаны болып саналады. Оған сигналдарын тыңдауға, бұзуға және бағдарламалық шабуыл жасауға қарсы жүйе орнатылған. Жер серігінің қызметін еуропалық әскерилер, үкіметтер мен қауіпсіздікке жауапты басқа құрылымдар пайдалана алады. Алдағы уақытта осындай тағы бір құрал ұшырылмақ. Жалпы бұл жер серіктерінің қызметі АҚШ, Оңтүстік Америкадан Таяу Шығыс, Еуропа мен Малайзияға дейінгі аумақты қамтиды.