Украинаның қарулы күштері Бердянск қаласында «Саратов» десант кемесінің көзін құртты, деп хабарлайды «Хабар 24». Ал Ресейдің қорғаныс министрлігі алып кеменің зақымдалғанына қатысты түсініктеме берген жоқ. Украина тарапы Ресей әскері Изюм қаласына қайта шабуылдамақшы екенін мәлімдеді. Елдің қарулы күштері ресейліктер Киевтің шығысын бұғаттау үшін Борисполь мен Бровары қаласына қарай шабуылға шығатынын айтады. Ал Сумы мен Харьков қалалары әлі де әуе шабуылдарының астында. Чернигов шаһары да қоршауға алынған. Президент Владимир Зеленскийдің хабарлауынша, Ресей тарапы 230 мектеп пен 155 балабақшаны жермен-жексен еткен. Салдарынан 128 бала құрбан болды. Мәскеу тек әскери инфрақұрылымдарды атып жатқанын хабарлайды.