Республикалық «Жұлдызай» фестиваліне дайындық. LIVE

Елде ерекшелігі бар балаларды қолдау мақсатында дәстүрлі республикалық «Жұлдызай» шығармашылық фестивалі өтіп келеді.

Биыл балаларды қорғау мерекесіне орай кезекті XIX фестивалі басталды. Қазір Астанада гала концерт өтеді. Фестивальге дайындық қалай?

Зарина Кәп, тілші:

- Дәл қазір біз тұрған концерт залында «Жұлдызай» республикалық балалар фестивалінің қатысушылары соңғы дайындық жұмыстарын пысықтап жатыр. Өздеріңіз байқағандай қатысушы балалардың қарасы көп. Байқау ең алғаш 2005 жылы бастау алған, содан бері 50 мыңнан астам баланың жұлдызын жаққан. Жалпы фестивальге елдің түкпір-түкпірінен 600-ден астам өтініш қабылданып, оның ішінен 220 лауреат гала концертке қатысуға мүмкіндік алған. Олар вокал, хореография, аспаптық орындау және ым-ишара әндерін орындау сынды 4 аталым бойынша бақ сынайды. Қазір менің жанымда Жұлдызай қорының ақпарат маманы тұр. Жаннұр, мереке құтты болсын. Жалпы бүгінгі фестиваль туралы айта кетсеңіз. Балалардың дайындығы қалай?

Жаннұр Көшербай, «Жұлдызай» қорының ақпарат маманы

Жалпы шараның негізгі мақсаты елдің әр өңіріндегі өнерлі, талантты балаларды анықтау. Ал жеңімпазды fest.juldizai.kz сайтында халықтың дауыс беруі арқылы анықталып, бүгін тікелей эфирде жариялайды. Мерекелік шараны Хабар арнасының тікелей эфирінен көре аласыздар. Әріптестер, менде бар ақпарат осы.