Олимпиада жүлдегерлері жайлы комикс жарыққа шықты

Бүгін елордада балаларға арналған кезекті кітаптардың тұсауы кесіледі, деп хабарлайды 24KZ. Комикс тәсілімен жасалған 5 кітап Елдос Сметов, Назым Қызайбай, Демеу Жадыраев, Нұрбек Оралбай және Геннадий Головкиннің өмірінен сыр шертеді.

Сондай-ақ даңқты спортшылардың Париж Олимпиадасындағы бәсекелері де суреттелген. Қалың оқырманға таныстырылатын туындының дизайны да, форматы да тың. Кітап авторы Аслан Қаженовтың айтуынша, комикстегі оқиғалар спортшылармен және жақындарымен тілдесу арқылы алынған. Ал суреттер кейіпкерлердің жаттығулары, маңызды жарыстар мен Олимпиада ойындарындағы видеоларына қарап салынды.