433,15 516.00 5.62
+7 (7172) 757 485 24kz@khabar.kz
ҚАЗ

Көкшетауда «Ұлттық киіммен жұмысқа» атты жаңа челлендж басталды

  • 168
  • UPD: 22:29, 11.03.2021

Көкшетауда қазақтың ұлттық киімін насихаттауға бағытталған жаңа челлендж басталды, деп хабарлайды «Хабар 24».

«Ұлттық киіммен жұмысқа» атты бастаманы облыстық мәдениет басқармасы қолға алды. Мамандар аймақтағы барлық мемлекеттік мекеме қызметкерлерін Наурызда кем дегенде бір күн кеңсеге қазақы нақыштағы киіммен келуге үндейді. Мәдениетке жауаптылар бір ай бойы ұлттық киіммен жүрмек. Олар эстафетаны ішкі саясат басқармасы мен жергілікті «Көкше» телеарнасының ұжымына жолдады. Наурыз мерекесіне арналған іс-шара айдың соңына дейін жалғасады.

Дина Бейсембаева, қалалық мәдениет және тілдерді дамыту бөлімінің бас маманы:

- Біз өте қуана-қуана келістік. Бүгін міне, бірінші күні камзол киіп келдім. Бұл әжемнің камзолы. Наурыз күндері тағы бірнеше ұлттық киімді ауыстыратын боламыз. Түстері сондай ашық. Жарқыраған. Әрбір адамның ерекшелігін ашатын сияқты, менің ойымша.

Хабар 24 телеарнасы