Елде табиғат қорғау заңнамасын бұзған 768 адам жазаға тартылды

Елде жыл басынан бері 820 табиғатты қорғау заңнамасын бұзушылық анықталды, деп хабарлайды «Хабар 24».

Оның ішінде 768-і әкімшілік жауапкершілікке тартылды. Оларға 8 млн теңгеден астам сомма айыппұл салынды. Бұл туралы орман шаруашылығы және жануарлар дүниесі комитеті төрағасының орынбасары Данияр Тұрғанбаев мәлімдеді. Сонымен қатар тұрақты қорғаудың арқасында ақбөкендердің саны 842 мыңға жеткенін тілге тиек етті. Қазір елде 489 құс және қосмекенділердің 12 түрі, сондай-ақ сүтқоректіледің 178 түрі бар. Оларды күзету табиғатты қорғау ұйымдарының инспекторлары жүзеге асырады деді ол.

Данияр Тұрғанбаев, ҚР ЭГТРМ орман шаруашылығы және жануарлар дүниесі комитеті төрағасының орынбасары:

– Жыл басынан бері инспекторлар киік терге браконьерліктің 56 фактісін анықтады, 4777 мүйіз және 141 ұшасын тәркіледі.