Елдегі бүлік кезінде ауруханаға түскен екі азамат қайтыс болды. Олар жансақтау бөлімінде жатқан.
Денсаулық сақтау министрлігінің хабарлауынша, шабуыл салдарынан медициналық мекемелерде көз жұмған марқұмдар саны 177-ге жетті.
Жалпы бұл күндері 2 мың 739 адам дәрігерлер көмегіне жүгінді. Олардың 200-і емделіп жатыр, 14-і жансақтау бөлімінде. Зардап шеккендер арасында жүкті әйел де бар екен. Ол Алматы облысындағы митингке қатысқан.