Елордада ауыл шаруашылығы жәрмеңкесі өтуде

Елордада ауыл шаруашылығы жәрмеңкесі өтуде
астана гов

Елордада демалыс күндері өтетін апта сайынғы ауылшаруашылық жәрмеңкелері өтіп жатыр. Бұл туралы елорда әкімдігінің ресми сайты мәлім етті.

Айта кетейік, биыл тұрғындардың өтініші бойынша ауыл шаруашылығы жәрмеңкелерін өткізу орны «Хан Шатыр» СОО жанындағы алаңнан «Барыс Арена» мұз сарайына қарама-қарсы аумаққа ауысты. Сондай-ақ ауыл шаруашылығы жәрмеңкесіне елордаға жақын орналасқан Қарағанды, Павлодар, Солтүстік Қазақстан облыстарының кәсіпкерлері қатысты. Кәсіпкерлердің айтуынша, өнімдер тез сатып алынады, ал бағалар нарықтық бағадан 10-15%-ке төмен. Бұл ретте ауыл шаруашылығы тауарын өндірушілердің негізгі бөлігі жәрмеңкелерге бірінші жыл қатысып отырған жоқ.