Қазақстанда қызылша бойынша эпидемиологиялық жағдай күрделене түсті
Жыл басынан бері жұқпалы вирустық ауруды жұқтырды деген күдікпен 56 жағдай тіркелді. Оның 20-сы зертханалық түрде расталды, қалғандары әлі тексеріліп жатыр. Бұл туралы Денсаулық сақтау вице-министрі хабарлады.
Айжан Есмағамбетованың айтуынша, қазір Алматы, Жетісу және Қарағанды облыстары жоғары және орташа қауіп аймағында. Сондай-ақ ол бүкіл әлемде аурудың өршіп тұрғанын атап өтті. Бұған балалар арасында вакциналау қарқынынының төмендеуі себеп, - дейді мамандар.
Айжан Есмағамбетова, ҚР Денсаулық сақтау вице-министрі:
- Егер қызылшамен ауыратын науқаспен 10 адам байланыста болса және олар вакцинацина алмағат азаматтар болса, онда бәрі ауру жұқтырады. Қызылша кезінде асқынулар көп болады. Олар – отит, пневмония және одан да күрделі энцефалит,панэнцефалит, мидың қабынуы сынды сырқаттар.