Павлодар облысында көктемгі су тасқыны кезеңіне дайындық рет-ретімен жүріп жатыр
Су басуы ықтимал 43 ауылдан қар шығарылды, деп хабарлайды «Хабар 24».
Бұл елді мекендерде 2 мыңнан астам жер үй орналасқан.
Ақтоғай ауданы Шолақсор ауылының маңындағы Сілеті өзенінде мұз жару жұмыстары жүргізілді. Таcқынға қарсы шараларға 1 млрд теңгеден астам қаражат қарастырылған. Жеке құрамның мың адамы да әзірліктерін пысықтап қойды.
Айжас Сабыржан, облыстық ТЖД Төтенше жағдайлардың алдын алу басқармасының аға инженері:
- Қыс мезгілінен бастап бізде жалпы облыс бойынша 1 млн текше метрден артық қар шығарылған. Сонымен қатар бізде «Қазақстан ғарыш сапарымен» ғарыштан бейнебақылау жасалды және Ертіс өзенінде мұз кептелісі болмас үшін жарылыс жұмыстарын жүргузі үшін 7 ниет білдіру шарттары жасалды.