Павлодарда автокөлік жанып кетті
Оқиға орнында облыстық ТЖД құрамынан төрт адам мен бір техника жұмыс істеді, деп хабарлайды Рavlodarnews.kz.
Облыстық ТЖД баспасөз қызметінің мәліметінше, 14 желтоқсан күні сағат 14.39-да Заслонов – Ростовская көшелерінің қиылысында көліктің жанып жатқаны туралы хабарлама түскен.
– Ашық аумақта 1998 жылы шыққан «ВАЗ-21043» автокөлігінің 4 шаршы метр алаңы толығымен жанып кетті. Өрт сағат 14.53-те сөндірілді, – дейді департаментте.
Көліктің жануына электр сымдарының қысқа тұйықталуы себеп болған.