Павлодар облысында жантүршігерлік жол апаты үш адамның өмірін қиды

Павлодар облысында жантүршігерлік жол апаты үш адамның өмірін қиды, деп хабарлайды Polisia.kz.

6 сәуірде сағат 16:45-те Павлодар-Қызылорда автожолының 1279 шақырымында, Екібастұз қаласынан 20 км қашықтықта Chevrolet Cobalt көлігінің 32 жастағы жүргізушісі рөлді басқара алмай, куветке аударылып кеткен.

– ЖКО салдарынан 56, 46, және 14 жастағы көлік жолаушылары алған жарақаттардан оқиға болған жерде көз жұмды. Көлік жүргізушісі мен 35 жастағы жолаушы жарақаттарымен ауруханаға түсті, – деп хабарлады Павлодар облысы Полиция департаментінің баспасөз қызметі.

Полицияда атап өткендей, бұл фактіге сәйкес Қазақстан Республикасы ҚК-нің 345-бабының 4-бөлігі бойынша сотқа дейінгі тергеу басталды.