Қызылордада өрт шығып, бірнеше ғимаратты шарпыды

Өрт қаладағы бірнеше жеке тұрғын үйге, қосалқы ғимараттарға және жүк көлігіне залал келтірді.

Тілсіз жау облыс орталығындағы С.Бедебеков көшесінде орналасқан №22 тұрғын үйдің ауласынан басталады. Ұзындығы 20 метрлік ағаш қоршау мен монша шатыры өртенген. Қызыл жалын одан кейін У.Төрәлиев көшесіндегі №23 тұрғын үй ауласындағы ауданы 200 шаршы метр болатын қураған шөптерді шарпиды. Салдарынан сол аумақта тұрған «Mersedes-benz 1217» маркалы жүк көлігінің кабинасына от тиеді. Сол көше бойындағы №21, №25 жеке тұрғын үйлердің сыртқы пеноплекс қаптамасын, суағарын, пластик терезесін зақымдаған. Қаза болғандар мен жарақаттанғандар жоқ. Өрттің шығу себебі анықталып жатыр», – деп мәлім етті Қызылорда облыстық төтенше жағдайлар департаментінен.