Елорда маңында құрғақ шөп өртенді
Елорда маңындағы Қорғалжын тас жолы бойында қураған шөп өртенді.
Төтеншеліктер аталған жерге дереу жетіп, құрғақ шөп пен қамыс тұтанғанын анықтаған. Кешкі 17:30-да өрт біршама сөнгені белгілі болды.
Талғат Уәли, ҚР ТЖМ ресми өкілі:
- Дәл қазіргі сәтте өрт жекешелей ауыздықталды. Шамамен өрттің аумағы 1 гектар аумақты шарпыған. Оқиға орнында 30-ға жуық өрт сөндіруші және 10 шақты техника жұмыс істеуде. Өрттің Нұр-Сұлтан қаласы жасыл белдеу аумағына таралу қаупі сейілді. Зардап шеккендер жоқ, өрт сөндіру жалғасуда.