Қарағанды облысының Шахтинск қаласындағы шахтада өрт шықты
Қарағанды облысының Шахтинск қаласындағы "Қазақстан" шахтасында өрт шықты.
Конвейер таспасы тұтанып, жер астын қара түтін басқан. Бұл кезде кеніште 227 адам болды. Құтқарушылар 224 жұмысшыны жер бетіне алып шықты. Қалған үш адам іздестіріліп жатыр. Жер бетіне көтерілген жұмыскерлердің 13-і дәрігердің көмегіне жүгінген. Оның 4-уі ем-дом алу үшін ауруханаға жатқызылды. Мамандар өрттің шығу себебін анықтап жатыр.