Өскеменде май зауытындағы өрт ауыздықталды

Өскеменде май зауытындағы өрт сөндіріліп жатыр.

Өндіріс орнында күнбағыс тұқымы отқа оранған. Абырой болғанда, зардап шеккендер жоқ. Қызыл жалын өзге аумақтарға жайылмас үшін цехтан 3 тоннадан астам тұқым шығарылды. Өртті ауыздықтауға құтқарушылардың бірнеше бригадасы мен арнайы поезд жұмылдырылды. Оқыс оқиғаға қауіпсіздік талаптарының сақталмауы себеп болуы мүмкін деген болжам айтылды.