Таразда автобус жаяу жүргіншіні қағып кетті

Таразда жолаушылар автобусы адам басып кетті, деп хабарлайды 24KZ.

Оқиға Төле би атындағы даңғылда болған. Полицейлердің алдын-ала болжамы бойынша жүргізуші басқа автобусты басып озбақ болып, оң қапталға шыққан кезде жол жиегінде кетіп бара жатқан адамды жаншып өткен. Автобустың астында қалған 47 жастағы тұрғын сол жерде жан тапсырды. Полиция жүргізушінің үстінен қылмыстық іс қозғады.

Айта кетейік, Таразда қоғамдық көлік жүргізушілері соңғы бір айда 700-ге жуық ереже бұзған.

Гүлсара Мұхтарқұлова, облыстық Полиция департаментінің баспасөз хатшысы:

- Жолаушылар автобусының жаяу жүргіншіні қағып кету дерегі бойынша сотқа дейінгі тергеу амалдарын бастады. Қазіргі таңда автобус жүргізушісіне қатысты бұлтартпау шарасын таңдау мәселесі шешіліп жатыр. Сот сараптамалары тағайындалды.