Арқалыққа қарасты екі ауылды су басты

Арқалық қаласына қарасты Екідін және Қызылжұлдыз ауылдары қарғын судың ортасында қалды.

Соңғы тәулікте бұл аумақта су деңгейі екі метрден асты. Су басқан аумаққа қайық және тікұшақпен ғана жетуге болады. Осы уақытқа дейін Қызылжұлдыз ауылынан жүз шақты адам  қауіпсіз жерге көшірілді.Бірінші кезекте балалар мен әйелдер  эвакуацияланды.  Барлығы көрші Қайыңды ауылына орналастырылды.  Одан бөлек су ортасында қалған қыстақтардан 24 адам шығарылды.  Ресми мәліметке сүйенсек, Екідінде 240, Қызыл жұлдызда 185 адам тұрады.

Қайрат Қасым, облыстық төтенше жағдайлар департаментінің басшысы:

- Қанша аула, үйлерді су басқандығын есептеп жатқан жоқпыз. Біздің негізгі мақсатымыз адамдарды құтқару. Қайғылы жағдайға жол бермеу. Барлық қайық, тікұшақ, жол талғамайтын көліктерді осы мақсатқа жұмылдырып отырмыз. Бірінші кезекте жер бедеріне байланысты суға жақын орналасқан үй тұрғындарын алып шығу қажет.