Қажыкеннің қолдау штабы Ұлытау облысына барды

Президенттікке кандидат Мейрам Қажыкеннің Ұлытау облысындағы штаб жұмыстары жалғасып жатыр.

Қазіргі таңда кандидаттың үгіт парақшалары таратылып, халыққа сайлауалды тұғырнама түсіндірілуде. Облыстың барлық қалаларындағы орталық көшелерде билбордтар мен плакаттар ілінген. Өңірдегі қоғамдық кеңседе 12 қызметкермен қоса 15 волонтер жұмыс істейді.

Штаб басшысы «Ұлытау– өндірісті өңір болғандықтан мұнда кәсіподақ бірлестіккері де көп», - дейді. Сондықтан кездесулер, әсіресе, алып компаниялар мен зауыттарда жүргізіліп жатыр. Десе де үгіт-насихат науқанының соңына дейін өңірдегі барлық жұмыс ұжымдарымен жиын өткізу жоспарланған.

Берік Жағыпаров, облыстық штаб басшысы:

- Үгіт-насихат жұмыстарын жүргізіп жатырмыз. Негізі Жезқазған, Ұлытау аймағы көп өндіріс алпауыттарынан тұрады. Жұмыскерлер көп бізде. Біздің мақсатымыз, әрбір ұжымға барып, әрбір адамға жеткізіп, өзіміздің программамызды, үміткердің программасын көрсетіп, түсіндіріп. Көп насихат жүргіземіз. Еңбек ұжымдарымен кездесеміз.