Президенттікке кандидат Нұрлан Әуесбаев елордалық сайлаушыларымен жүздесті

Сайлауалды бағдарламасымен таныстырып, негізгі бағыттары туралы айтып берді, деп хабарлайды «Хабар 24».

Жиында көпбалалы аналар опазициялық партия өкіліне бірқатар әлеуметтік проблеманың шешілмей жатқанын айтты. Мысалы баспана базынасы, мүмкіндігі шектеулі балаларға көрсетілітін көмектің нашарлығы, балабақша мен мектептің жетіспеушілігі бар. Ауыл шаруашылығының қазіргі жай-күйіне қатысты сауалдар да болды. Нұрлан Әуесбаевқа сайлауалды тұғырнамасы бойынша да сұрақтар қойылды.

Нұрлан Әуесбаев, президенттікке кандидат:

 - Кездесу өте тартысты өтті. Әр алуан сұрақтар болды. Өте-мөте қиын сұрақтар, бірақ көкейімізде жүрген келелі мәселелерді көтерді. Көптеген аналар өздерінің жанайқайын айтып, шырылдап. Ол қойылған сұрақтардың бәрі өте орынды, дұрыс. Жалпы, өзіміздің кездесу барысында 56 іс-шара өткізуіміз керек тұғын енді өзіміздің жоспаралған. Соның басым бөлігін біз өткіздік, атқардық.