Цифрлық майнерлер енді салық төлейді
Енді цифрлық майнерлерге электр энергиясын жалпы электр жүйесінен тікелей ала алмайды.
Олар сауданы энергетикалық жүйеде профицит болған жағдайда ғана және электр энергиясы мен қуат нарығының қазақстандық операторлары арқылы ғана жүзеге асыра алады. Ол – нарықтық тетіктермен жүзеге асатын болады. Бұл туралы депутат Бекболат Орынбеков Сенаттың жалпы отырысында мәлімдеді. Оның айтуынша, барлық майнер аккредиттелген қазақстандық майнингтік пулдар арқылы жұмыс істеуі керек. Осылайша «цифрлық майнерлер», енді еліміздің резиденттерімен қатар, салық төлеушілеріне айналады.