Берік Уәли Қасым-Жомарт Тоқаевтың өкілеттігіне қатысты алып-қашпа сөздерді жоққа шығарды

Президенттің баспасөз хатшысы Берік Уәли Қасым-Жомарт Тоқаевтың өкілеттілігіне қатысты алып-қашпа сөздерді жоққа шығарды.

Оның айтуынша, Президенттің қайта сайланатыны туралы болжамдар негізсіз. Бүгін бірқатар шетелдік БАҚ Қасым-Жомарт Тоқаевтың өкілеттігі 2026 жылы аяқталады деп хабарлады. Бірақ бұл жағдайды Мемлекет басшысының кеңесшісі Берік Уәли былай түсіндірді.

«Бұл кейбір журналистердің еліміздегі жағдайдан бейхабарлығынан туындаған мәселе болуы мүмкін. Шын мәнінде, Мемлекет басшысы «Egemen Qazaqstan» газетіне берген сұхбатында «2026 жылы референдум өткізу арқылы Конституцияға өзгеріс енгізіп, келесі сайлауға қатысады» деген алып-қашпа сөздерді жоққа шығарды. Өздеріңізге мәлім, Президент 2022 жылдың қараша айында жеті жылға сайланды. Конституцияға сәйкес Мемлекет басшысының өкілеттігі 2029 жылы аяқталады».

Берік Уәли ҚР Президентінің кеңесшісі – Президенттің Баспасөз хатшысы