Си Цзиньпин Қазақстанның ШЫҰ-дағы төрағалығына жоғары баға берді

Қытай Төрағасы Қасым-Жомарт Тоқаевқа қонақжайлылығы мен жоғары ұйымдастыру деңгейі үшін алғыс білдірді.

Шанхай ынтымақтастық ұйымы саммиті кезінде Си Цзиньпин Қазақстан төрағалық еткен жылдағы атқарылған жұмысты жоғары бағалады. Сөзін алғыспен бастаған Қытай төрағасы аумалы-төкпелі замандағы мүдделес елдердің интеграциясының маңызды екендігіне тоқталды.

Цитата:

Си Цзиньпин, Қытай Халық Республикасының Төрағасы

Қазақстанның төрағалығы жылындағы атқарылған ерен еңбек Шанхай Ынтымақтастық Ұйымын жаңа даму деңгейіне көтерді. Таулар мен мұхиттар пікірі ортақ адамдарды бөліп жара алмайды. Бұл жолы саммит алғаш рет "ШЫҰ плюс" форматында өткізіліп отыр. Ол көптен бергі достар мен жаңа серіктестердің қатысуымен кең ауқымды мәселелерді талқылауға арналған алаң ретінде қызмет етеді. Бұл жаңа дәуірде жақтастар мен ойы ортақ адамдарды бірлікке ұйыстырушы ұйым ретінде ШЫҰ беделін айқындай түседі.