Жылу энергетикасына тартылған инвестиция 2029 жылы 8 трлн теңгеден асады

Биыл Екібастұз 1-ГРЭС-те қуаты 500 МегаВатт жаңа генерацияланатын бірінші энергоблок желіге қосылды, жыл соңына дейін Атырау Жылу электр орталығында тағы 65 МегаВатт, сондай-ақ 2025 жылы Топар ГРЭС-те 130 МегаВатт іске қосылады.

Қолданыстағы электр стансаларын реконструкциялау және кеңейту есебінен қосымша 5,6 ГигаВатт іске қосу қамтамасыз етілетін болады, оның ішінде 2024 жылы Министрлік энергия өндіруші ұйымдармен жалпы қуаты 1,4 ГигаВатт болатын 13 инвестициялық келісім жасасты. Мұндай жобалар қатарында Ақсу ГРЭС-тегі қуаты 325 МегаВатт №7 блоктың құрылысы, Қарағанды ЖЭО-3-те қазандық агрегатының құрылысы мен турбинаны ауыстыру және «Karabatan Utility Solution» Жауапкершілігі Шектеулі Серіктестігінің бу-газ қондырғысын 310 МВт-тан 620 МВт-қа дейін кеңейту ісі бар. Өткен жылы жалпы қуаты шамамен 9 ГВт жаңа генерация салу жоспарлары анықталды.