Олимпиададан қашқан Тимановская өз медалін аукционға шығарды

Олимпиада ойындарын тастап кеткен жеңіл атлет Тимановская өз медалін аукционға қойды, деп хабарлайды Хабар 24.

Белорусь спортшысы Кристина Тимановская 2019 жылы өткен Еуропа ойындарында жеңіп алған күміс медалін ebay аукционына қойды.

Тимановская 2019 жылы Минскіде өткен Еуропа ойындарында 100 метр қашықтықта жүгіруден күміс медаль жеңіп алған. Лоттың бастапқы құны 5 мың долларды құрады. Әзірге оған осы мөлшерлемені қабылдаған бір ғана әлеуетті сатып алушы қызығушылық танытқан

Лотта жазылған сипаттамада Тимановскаяға тиесілі медалді сатудан түскен барлық қаражат Беларусь спортшыларына қолдау көрсететін беларуссиялық спорттық ынтымақтастық қорына аударылатындығы айтылған.

Тимановская Токио Олимпиадасында 100 және 200 метр қашықтықта жүгіруден өнер көрсетуі керек еді. Бірақ екі беларуссиялық спортшының допинг сынақтарынан сүрінуіне байланысты 4х400 метрлік эстафетаға қатысудан шеттетілгеннен кейін жаттықтырушылар Тимановскаяны осы жарысқа қатыстыруға шешім қабылдаған.

Әлеуметтік желілерде жүгірушілер бұл шешімді сынға алды. Спортшының айтуынша, басшылық спортшылардың есебінен өздерінің сапасыз жұмысын осылайша түзетуге тырысады.

Осыдан кейін Беларусь Олимпиада комитеті Тимановская «дәрігерлердің қорытындысы бойынша, эмоционалды-психологиялық жағдайға байланысты» ойындарға қатысуды тоқтататынын айтқан. Спортшының өзі Халықаралық Олимпиада комитетінен көмек сұрады. Айтуынша, оған қысым көрсетілген және оны Жапониядан күштеп алып кетпекші болған.

Спортшы 4 тамызда Токиодан Венаға ұшып кетті, қазір Австрия астанасы Варшавада.