«Тобыл» футбол клубы 11 жылдан кейін Қазақстан чемпионы атанды
«Тобыл» футбол клубы араға 11 жыл салып, өз тарихында екінші мәрте ел чемпионы атанды.
Қазақстан Премьер-Лигасының соңғы 26-турында қостанайлықтар Оралдың «Ақжайығына» қонаққа барып, 2:0 есебімен басым түсті. Сырт алаңдағы ойыннан кейін 61 ұпай жинаған Александр Москаленко шәкірттері турнир кестесінде басты бәсекелесі саналған «Астана» командасынан 4 ұпайға озды. Елорда клубы түркістандық «Тұранды» қабылдап, тең ойын көрсетті. Есеп 1:1. Мерзімінен бұрын қола жүлдегер атанған Алматының «Қайраты» үздік үштікті 51 ұпаймен түйіндеді. Төртінші орын үшін таласта «Қызылжар» «Ордабасыдан» басым түсті. Есеп 3-2.