Қазақстан FIFA тізімінде үш сатыға көтерілді

Қазақстан құрамасы FIFA рейтингісінде үш сатыға көтерілді. Халықаралық футбол федерациясының жаңа тізімінде біздің команда 112-ші орынға жайғасты, деп хабарлайды «Хабар 24».

Топ басында әлем чемпионы Аргентина тұр. Сосын Франция, Бразилия бар. Наурызда Еуро-2024 іріктеу турнирінде Магомед Адиевтен тәлім алатын ұлттық құрама Даниядан басым түскені белгілі. Осы жеңіс рейтингке әсер еткен секілді. Ал Дания рейтингте 19-шы орында тұр. Қазақстан құрлық біріншілігіне іріктеу турниріндегі келесі кездесуін Сан-Мариномен өткізеді.