Қазақстандық боксшы Олимпиадаға іріктеу турнирінде жеңіске жетті
Қазақстандық боксшы Мұхамедсабыр Базарбайұлы Олимпиадаға іріктеу турнирін жеңіспен бастады, деп хабарлайды 24KZ.
Бангкок қаласында өтіп жатқан жарыстың бірінші айналымында отандасымыз филиппиндік боксшыдан басым түсіп, келесі кезеңге өтті. Оның келесі қарсыласы Арменя мен Түркия боксшыларының арасындағы кездесуде анықталады. 63,5 келі салмақта жұдырықтасатын былғары қолғап шебері бұған дейін Италияда өткен іріктеу сынында жеңіліс тапқан еді. Алайда елімізде өткен спаррингтік турнирде жеңіске жетіп, Таиландта лицензияға таласу мүмкіндігін алды. Ал кешегі жарыс күнінде Назым Қызайбай жеңіске жеткен болатын.