Шымкентте Senat Open шахмат турнирінің жартылай финалы басталды

Бүгін шахматтан Senat Open ашық кубогының жартылай финалы басталды. 5 турнирдің алғашқысы Шымкент қаласында өтті, деп хабарлайды 24KZ.

Қазақстан шахмат федерациясы ұйымдастырған жарысқа облыстар мен қалалардың мәслихат депутаттары, қоғамдық кеңес мүшелері және БАҚ өкілдері қатысты. Жамбыл, Қызылорда, Түркістан облыстарынан келген 100 жеңімпаз «Оңтүстік» өңіріндегі үздіктерді анықтау үшін жиналды. Тамыз айында Астанада өтетін ақтық кезеңде Парламент депутаттары мен республикалық БАҚ өкілдерін қосқанда 200-ге жуық адам сайысқа түседі. Біріншілікке еліміздің түкпір-түкпірінен 3 мыңға жуық адам келеді.

Бағдат Ахметов, жарыс финалисі:

- Жақсы ойыншылар қатысып, соның ішінен үздік шықтық. Құдай қаласа, Астанаға жолдама алып отырмыз. Өте қуаныштымын. Қуанышты сезімдемін. Барлық қатысушыға сәттілік тілеймін.