Алматыда Олимпиаданың ашылуы үлкен экрандарда көрсетілді

Париж Олимпиадасының ашылу салтанатын алматылықтар көшедегі LED экрандардан тамашалады, деп хабарлайды 24kz.

Спорт додасының дүбірін көпшілікпен бірге көруге келгендердің қатарында жастар көп. Алматылықтар жарыстың ашылу салтанатын Арбаттан тамашалады. Дәл осындай экрандар Медеу, Бостандық және Әуезов аудандарында орналасқан. Олимпиада ойындары – спорт пен бірлік мерекесі. «Хабар» агенттігі бұл спорт сайыстарына тыңғылықты дайын. Доданы білікті спорт коментаторлар баяндаса, бірнеше тілшіміз Париж төрінен хабар таратады.