Павлодарда бәйгеден Көшпенділер ойындарына іріктеу басталады

3 тамызда Павлодарда Дүниежүзілік көшпенділер ойындарының бәйге жарысына іріктеу басталады, деп хабарлайды 24KZ.

Жүлде қоры 24 млн 900 мың теңгені құрайтын жарыс құнан бәйге, топ бәйге, аламан бәйге мен жорға жарыс сияқты 4 түр бойынша өтеді. Қазір бәйгеден Қазақстан командасы жасақталып жатыр. Іріктеу Павлодар мен Алматы қалаларында өтеді. Солардың нәтижесі бойынша V Дүниежүзілік көшпенділер ойындарының бәйге жарысына Қазақстаннан қатысатын жылқылар анықталады.

Жомарт Сайболатов, «Бәйге федерациясы» РҚБ вице-президенті:

- Біз қазір бәйге спортының құрамасын жасақтап жатырмыз. Біздің федерацияға 10 шақты шетел федерациясы өтініш беріп жатыр. Оның ішінде Моңғол Республикасы, қырғыз бауырларымыз, өзбек бауырларымыз, тәжік  бауырларымыз, әзербайжан бауырларымыз, Ресей Федерациясы қатысайықшы деп өтініш білдіріп жатыр.