V Дүниежүзілік көшпенділер ойындарының ашылу салтанаты басталды

Тағатсыздана күткен V Дүниежүзілік көшпенділер ойындары шымылдығын түрді, деп хабарлайды 24kz.

Шараға әлемнің 89 елінен 2700-ге тарта спортшы қатысады деп күтілуде. Жаһан жұрты көз тіккен додада спорттың 21 түрі бойынша жарыстар өтеді. Барлығы 97 медаль жиынтығы сарапқа салынады. Ұлттық құрамадағы 216 отандасымыз ел намысын қорғайды. 370 төреші төрелік етеді.

V Дүниежүзілік көшпенділер ойындарының ашылу салтанатын отандық «Qazaqstan», «Qazsport», «Хабар», «Ел арна», «Жібек жолы», «Sport Plus» арналарымен қатар, Түркияның TRT AVAZ арнасы, Қырғызстанның 5 телеарнасы, халықаралық «Мир», «Мир 24» арналары, Ресейдің «Старт LIVE» спорт арнасы, Татарстанның «ТНВ Қазан» телеарнасы, Өзбекстан мен Түркіменстанның мемлекеттік арналары тікелей эфирде көрсетеді.

Еліміздің Мәдениет және ақпарат министрлігінің қолдауымен Көшпенділер ойындары тарихында бұндай халықаралық деңгейде ауқымды телехабар тарату бірінші рет қолға алынып отыр. Дәл қазір әлемдік доданың ашылу салтанатын назарларыңызға ұсынамыз.