Асу Алмабаев UFC-дегі төртінші жекпе-жегінде жеңіске жетті
Отандасымыз Асу Алмабаев бразилиялық қарсыласы Матеус Николауды жеңді, деп хабарлайды 24kz.
Аралас жекпе-жек турнирі Лас-Вегаста ұйымдастырылды. Бұл Асу үшін UFC-дегі төртінші жекпе-жегі. Үш раундқа жалғасқан сында қазақстандық спортшы төрешілердің бірауыздан қабылданған шешімімен айқын жеңіске жетті. Матеус Николауды жеңген соң Асу Алмабаев рейтингте бірден 7-ші орынға көтерілді. Бұған дейін ол 14-ші орында болған еді.
Айта кетейік, Асу Алмабаев осымен кәсіби мәнсабында 21-ші жеңіске жетіп отыр.