Шавкат Рахмонов пен Иэн Гарри көз түйістірді

Қазақстандық Шавкат Рахмонов пен оның ирландиялық қарсыласы Иэн Гарри салмақ өлшеу рәсімінен өтіп, соңғы рет көз түйістірді, деп хабарлайды 24KZ. Ертең олар UFC 310 турнирі аясында өтетін жекпе-жекте бақ сынайды.

Бұқаралық ақпарат құралдарының мәліметтері бойынша Шавкат Рахмоновқа сайысқа қатысқаны үшін 350 мың доллар төленеді. Жеңген жағдайында бұл сома 100 мың долларға артады.

Рахмонов Гэрри жекпе-жегі Қазақстанда көрсетілмейді. Оны жексенбі күні UFC ресми сайтында, біздің уақыт бойынша таңғы 9-да стримингтік платформаларда көруге болады.

Өз кезегінде Шавкат Рахмоновтың жанкүйерлері оған жан-жақты қолдау білдіріп жатыр. Тіпті елордадағы ғимараттардың бірінде арнайы бейнеролик жарияланды.