Индонезияның Сулавеси аралында болған зілзаладан көз жұмғандар саны 35 адамға жетті, деп хабарлайды «Хабар 24».
Жүздеген тұрғын жарақат алған. Жергілікті биліктің мәлімдеуінше, үйінді астында тірі адамдар қалуы мүмкін. Іздеу-құтқару жұмысы жалғасуда. Зілзаладан және кейін болған 26 жер дүмпуінен 300-ден астам үй мен 2 қонақүй жермен-жексен болды. Цунами қаупі туралы дабыл болған жоқ. Бірақ құзырлы органдар жерасты дүмпулері қайталануы мүмкін деп ескертті. Индонезиядағы 6,2 балдық зілзала кеше болған еді.
Нурдин Абдулла, Оңтүстік Сулавеси провинциясының губернаторы:
– Біз апат орнына дереу келдік. Денсаулығына нұқсан келген барлық адамды Макасар қаласына тікұшақпен жеткіземіз. Себебі құрлықпен қатынау әзірге мүмкін емес. Сондай-ақ теңіз арқылы тасымалды күшейтеміз. Зардап шеккендерге барлық қолдау мен қамқорлық көрсетіледі.