Мәдениет жаңалықтары. Анна Маргацкаяның үш жеке көрмесі ашылды

- Миллиондаған жанның жүрегін жаулаған кинофильмдердің саунтрегі «Астана» концерт залында әуеледі. Голливуд композиторлары жазған шығармаларды үрмелі аспаптар оркестрі орындады. Олардың ең танымалдары «Гладиатор», «Звездные войны», және («Мстители») фильмдерінің музыкасы.

- Қазақ халқының мифологиясын, өмірін, тарихын, ұлттық құндылықтарын көрсететін картиналар «Астана жауһарлары» атты көрменің төріне ілінді. Келушілердің назарына ең үздік 20 жұмыс ұсынылды. Оларды Қазақ ұлттық Өнер Университетінің студенттері мен мектеп оқушылары салған.

- Қазақстан Республикасы Мемлекеттік орталық музейінде қазақстандық суретші Анна Маргацкаяның «Сағым», «Ханшайым ойыны», «Пленэр» атты үш жеке көрмесі ашылды. Үш түрлі тақырыпқа арналған жұмыстар бір шебердікі болса да айырмашылығы жер мен көктей.