Жасыл экономика. Астананың экологиялық жағдайы

Астанадағы экологиялық жағдайды жақсарту үшін жылдың басында негізгі механизмдер белгіленген кешенді жоспар бекітілді. Эко-жобаның жүзеге асуына қалалық әкімдік, экологиялық ұйымдардың қауымдастығы және бас шаһардың қоғамдық кеңесі мұрындық болды. Ол басталғалы сегіз айдың жүзі болды, осы уақыт ішінде ауыз толтырып айтарлық нәтиже бар ма? Іс-жоспардың жүзеге асуын тексеру үшін сарапшылар аралық мониторинг жүргізді. Аталған кешенді жоспардың бірінші міндеті - қоршаған ортаға жылу электр станцияларынан бөлінетін  зиянды қалдықтарды азайту. Сондықтан сарапшылар осы мәселені жіті назарына алған.