«Сұлтан Бейбарыс» француз тілінде жарық көрді

«Сұлтан Бейбарыс» фильмі алғаш рет француз тіліне аударылып көрсетілді.

Қазақ киносының алтын қорындағы картина Парижде қалпына келтірілді. Жоба аты аңызға айналған Мысыр билеушісінің 800 жылдық мерейтойына орайластырылып қолға алынған. Фильмді тамашалауға  қазақ диаспорасының мүшелері, әр елдің дипломаттары және жергілікті киносүйер қауым жиналды. Фильм осыдан 35 жыл бұрын түсірілсе де, бүгінгі күнге дейін өзектілігін жоймаған. Көрермендер де қазақ киносының терең мағыналы екенін айтып, жоғары бағасын берді.  

Алаа Юссеф, Франциядағы Мысыр елшісі:

- Сұлтан Бейбарыс Мысырда өте танымал. Біз оны өз дәуірінің озық тұлғасы деп білеміз. Оның есімі Мысыр мен Қазақстанды, Таяу Шығыс пен Орта Азия елдерін біріктіреді. Даңқы әлемге әйгілі тарихи тұлғаның сара жолы бауырлас халықтар арасындағы алтын көпір іспетті.