Спорттағы жетістіктер: Боксшы Әйгерім Сәттібаевамен сұхбат
Бүгінгі шығарылымымыз ерекше болмақ. Ерекшелігі бес бірдей баланың анасы әрі бокстан Азия чемпионатының жүлдегері, қазақтың қайсар қызы, қазақтың батыр қызы десек те болады. Әйгерім Сәттібаева жайында айтпақпыз. Біз осыдан бірер ай бұрын Тайландта өткен Азия чемпионатында жақынырақ таныстық және осы 24 KZ арнасы арқылы көпшілікке таныстырдық. Әйгерім бұған дейін де кәсіпқой спортпен айналысты. 2021 жылдары ұлттық құрама сапында болды. Тіпті Азия чемпионатының жүлдегері де атанды. Ал енді араға 14 жыл салып, осы аралықта тұрмысқа шығып, бес бірдей баланы дүниеге әкеліп, қайтадан спортқа оралды және қайтадан Азия чемпионатының жеңіс тұғырына көтерілді. Міне осындай керемет жетістік. Тек Қазақстан аумағында емес, бүкіл әлемде бұндай жағдай болмаған екен. Оны өзіміз саралап көрдік, зерттеп көрдік және нақты көз жеткіздік. Осы Әйгеріммен дәл қазір сұхбаттасудың сәті түсіп тұр. Осы спорттық нысанда кездесіп, өзіміздің де, көпшіліктің де көкейіндегі сұрақтарды қойып, барлық жиған-тергенімізді сіздердің назарға ұсынбақпыз.