Теміртауда атмосфералық ауаның ластану деңгейі жоғары

Теміртау – атмосфералық ауаның ластану деңгейі жағынан ең жоғары қалалардың қатарына кіреді. Қалың түтіннен арыла алмай келе жатқан мекендегі жағдайды реттеу үшін тиімді шаралардың қаншамасы қабылданды. Тіпті «2024 жылы экологиялық жағдай тұрақтанады» деген мәтіндегі мақаланы Экология және табиғи ресурстар министрлігінің ресми сайтынан да оқыған едік. Мына көріністен кейін көкейімізде сан сауал әлі де болса сайрап тұр. Дегенмен, қала тұрғындарымен тілдесіп көрейік. Олар мәселенің мән жайын бізден жақсы біледі.