Қазақстандық оқушылар халықаралық байқаулардан 563 медаль иеленді
Біздің оқушылардың роботехника саласында бәсі биік, деп хабарлайды 24kz.
Мәселен, былтыр қазақстандық шәкірттер Сингапур, Қытай, Грекия және АҚШ-та өткен жарыстарда алдыңғы қатардан көрінді. Бұдан бөлек, жас математиктеріміз Балқан түбегіндегі жарыста үздік үштікке енді. Жалпы былтыр 1816 оқушы 35 халықаралық олимпиада мен байқауға қатысты. Білім бәсекесінде жасөспірімдер 563 медальді олжалады. Оның ішінде 77 алтын, 201 күміс және 285 қола медаль бар.