Фискалды түбіртектің заңдылығын қалай тексеруге болады

Әлеуметтік желілер мен мессенджерлерде жалған түбіртектерді жасауға болатыны туралы алыпқашпа хабарламалар таратылып жүр.

Осыған орай Қазақстан Республикасы Қаржы министрлігінің Мемлекеттік кірістер комитетінде бақылау-касса машинасы түбіртегінің заңдылығын тексеру мүмгіндігін бар екендігін хабарлады.

«Қазақстан Республикасы Салық кодексінің 166-бабының 1-тармағына сәйкес, Қазақстан Республикасының аумағында ақшалай есеп айырысулар бақылау-касса машиналары мiндеттi түрде қолданыла отырып жүргiзiледi. Бақылау-касса машиналарының модельдері мемлекеттік тізілімге енгізіледі және олардың деректерді тіркеу және (немесе) беру функциясы бар», – делінген мәліметте.

Өз кезегінде Салық кодексінің 166-бабы 5-тармағының 2-тармақшасына сәйкес, тауар, жұмыс, көрсетiлетiн қызмет үшін төленген сомаға бақылау-касса машинасының түбіртегін немесе тауар чегін беру жүзеге асырылады. Қазіргі таңда https://consumer.oofd.kz/ сілтемесі бойынша фискалдық деректер операторларының, https://kgd.gov.kz/ru/services/kkm_check сілтемесі бойынша ҚР ҚМ МКК ресми сайтында және https://egov.kz/wps/portal/paymentSearch сілтемесі бойынша «электрондық үкімет» порталында берілген бақылау-касса машинасы түбіртегінің заңдылығын тексеру мүмгіндігін бар.