«Орал-Саратов» теміржол қатынасы жанданады

Оралдықтар мамыр айынан бастап көршілес Ресейдің Саратов облысына пойызбен қатынай алады, деп хабарлайды «Хабар 24».

Бұған дейін ол жаққа баратын жолаушылар орта жолда басқа пойызға отыруға мәжбүр болатын. Осылайша 6 сағат жолға кететін. Такси қымбат, автобустар ұзақ жүреді. Сондықтан 2 жылдай қатынасы үзіліп қалаған «Алматы-Саратов» пойызы мамыр айында сапарға шығады. Жол уақыты біршама қысқарады. Жуырда жаңа бағыт бойынша билеттер сатылымға шығады.

Айта кеткен жөн, өңір Ресейдің 5 бірдей облысымен шектесіп жатыр.

Павел Федорченко, қала тұрғыны:

- Саратовта тұратын туыстарымыз көп. Бұған дейін ол жаққа бару үшін пойыздан пойызға отырып әрең жететінбіз. Енді біршама уақыт үнемдейтін болдық. Қымбат таксилерге қарағанда артық тұстары көп деп ойлаймын.